احذر اليمسح جتافك من يجيك
واحذر الصحبه الكثر بيه العدد
الناس مو كلمن ضحكلك بي امان
وذاك من ذاك اليوافيلك وعد
اصح قريب مرافكك لكن حقود
واصح بعيد يكون الك عون وسند
احذر حجايات من طرف اللسان
ناعمه وبيها العسل مثل الشهد
هاي دنيا تغيرت بيه الوجوه
والضباع التفت بجلد الاسد
نحميت من الشمس بثنين ايدك
ممكن اعوفك لوحدك بالبرد
مو غريبه يخونك المنك وبيك
ويملي دربك شوك وشوفك ورد
هاي دنيا وما نفع بيها الكلام
والله يدري شبيها يغير بعد
العلى جتافك صعد من يسألوه
يكول من جد وجد
والتعلمه حروف وكل معنى الكلام
بضهرك اذم بيك وطعنك عمد
ضاعت الصحبه وعلى الدنيا السلام
والزمان الراح لاتصدك يرد
صدك من كال اليبجي امشي وراه
ولاتمشي ورا اليضحك ابد